呢個星期（02/03/2018-08/03/2018），去OK便利店，用Apple Pay/Google Pay/Samsung Pay三樣流動支付方式，以滙豐信用卡簽賬購物滿$30，即刻減$15，即係最多半價呀！
去OK便利店，揀啱心水貨品之後去俾錢，同收銀哥哥姐姐講話用滙豐優惠，開部電話show俾佢哋睇你電話入面張滙豐信用卡，佢哋就會即刻幫你減$15。因為係即減，所以記住睇清楚個銀碼係減咗$15，先好拍電話落感應器俾錢呀！
不過，規矩就寫到明有限制嘅，就係無論你有幾多張信用卡，同埋幾多部電話都好，每日都只係可以用一次啫，即係成個推廣期內最多可以慳$105！
買Häagen-Dazs杯裝雪糕啱啱好
你問我買咩最抵？我睇勻成間OK便利店得一樣嘢係啱啱好$30，就係Häagen-Dazs迷你杯、雪糕批或者雪糕三文治！原價$30一件真係唔係成日捨得食，而家減$15啱啱好半價真係抵到爛呀！
官方優惠備註
1. 流動電話付款包括Apple Pay、Google Pay™及Samsung Pay，滙豐銀聯雙幣信用卡不適用於 Google Pay 及 Samsung Pay。
2. 每位持卡人每日只可享優惠一次，不論持卡人持有多少張信用卡及多少部流動電話。所有交易均不可拆單付款。
3. 優惠不適用於購買香煙、禮券、網上遊戲產品、流動電話儲值卡／電話卡／增值券／Wi-Fi儲值卡、網上遊戲卡、八達通產品、禮品卡、預付卡、自動售賣機／扭蛋機貨品、換購貨品、各款入場券／車票、郵票、塑膠購物袋收費、送貨服務、其他服務項目（包括但不限於預付、賬單繳費、匯款、捐款、八達通增值／最後十次紀錄影印、傳真、影印、電池充電服務、電池租貸服務、速遞／提件服務、預訂服務及相片沖曬服務）。
推廣網頁：滙豐 – 最紅熱捧限定 – OK便利店